Sa Isang Salita: 'Paningin' ni Msgr. Noel
16 November 2020
 
Hindi kailangan ang mata upang makita ang tunay na mahalaga. Kung minsan pa nga, ang mga may kumpletong paningin ang hindi makakita sa katwiran at katotohanan.

"Blindness is an unfortunate handicap but true vision does not require the eyes." (Helen Keller)

Ipinamalas ito ng bulag sa ebanghelyo. Sa kabila ng kanyang kapansanan, 'nakita' niya si Hesus. May kakayahang makakita ang pusong may tapat na pananalig.

Pagsumakitan nating makita si Hesus sa gitna ng ingay at mga kaabalahan sa buhay. Kahit madami ang nabubulag sa pera at materyal na bagay, nawa'y manatiling matalas ang ating paningin sa mga bagay na marapat at banal.

*Lunes sa Ikatatlumpu't tatlong Linggo sa Karaniwang Panahon

 
 
 
 
 
 
 
Diocese of Lucena dot org                                            All Rights Reserved ©2020
This website is developed and maintained by and for the faithful of the Diocese of Lucena
 
HOME   |   BACK TO TOP    |   LOG IN