Sa Isang Salita: 'Sinugo' ni Msgr. Noel
22 July 2021
 
Sinugo

Bagama't walang nakasaksi ng pagbangon ni Kristo mula sa kamatayan, maraming "post-easter apparitions" o mga pagpapakita ni Hesus matapos na siya ay muling mabuhay. Isa rito si Maria Magdalena.

At hindi natapos ang istorya sa pagpapakita ni Hesus. Nasundan ito ng pagpapahayag ng mga saksi. "Resurrection means mission." Kaakibat ng espesyal na pribilehiyo na makita ang Kristong Nabuhay ay ang obligasyong ipakilala siya sa iba.

Hindi man natin nakita si Hesus, ipinaranas naman niya sa atin ang kanyang presensya sa ating mumunting 'muling pagkabuhay.' Ito ay ang mga sandaling tayo'y bumabangon mula sa mga pinagdaanang krisis sa buhay na taglay ang malalim na pananalig.

Lahat tayo ay sinusugo para magbigay saksi sa Pagkabuhay ng Panginoon. Sa mga sandali ng dilim, kalamidad at kawalang pag-asa, si Kristo ay buháy at patuloy na kumikilos sa ating araw araw na karanasan.

*Martes sa Oktaba ng Pagkabuhay

 
 
 
 
 
 
 
Diocese of Lucena dot org                                            All Rights Reserved ©2020
This website is developed and maintained by and for the faithful of the Diocese of Lucena
 
HOME   |   BACK TO TOP    |   LOG IN