|
|
|
Sa Isang Salita: 'Krisis' ni Msgr. Noel |
28 January 2023 |
|
|
Halos sunud-sunod na mga kalamidad ang dumalaw sa ating bansa ng mga nagdaang taon - bagyo, lindol at pandemya. Nababahala at natatakot ang lahat. Sa panahon ng krisis, kanino tayo kumakapit?
Sa biblia, ang bawat krisis ay sandali ng desisyon. Ang salitang 'krisis' ay nagmula sa katagang Griego, 'krinein,' na ang kahulugan ay 'magpasya.' Ang bawat sandali ng kagipitan ay panahon para magpasya.
Sa ebanghelyo, habang sinasabukay ng malakas na alon ang bangkang sinasakyan ng mga alagad, lumapit ang mga ito at humingi ng tulong kay Hesus. Sa Kanyang salita, tumalima ang hangin at unos.
Ang mga pagsubok sa buhay ay nagbibigay sa atin ng pagkakataon para magdesisyon. Sa harap mga krisis ng buhay, piliin natin si Hesus. Sa kanya matatagpuan ang kaligtasan. Siya ang may kontrol sa ating buhay at kasaysayan.
*Sabado sa Ikatlong Linggo sa Karaniwang Panahon |
|
|
|
|
|
|
|
|
|
|
|
|