 |
| |
| |
| Sa Isang Salita: 'Bigay' ni Msgr. Noel |
| 02 February 2023 |
| |
|
Apatnapung araw na agad ang nakalipas simula ng nagdaang Pasko. Ngayon, Pebrero 2, ang Kapistahan ng Pagdadala kay Hesus sa Templo. Sa tradisyon ng mga Judio, ang mga panganay na anak ay nakatalaga sa Diyos kaya dapat tubusin sila ng mga magulang sa pamamagitan ng paghahandog sa templo.
Ang matandang tradisyon na ito sa Lumang Tipan ay nagpapaalaala sa atin na ang lahat ng mayroon tayo ay bigay ng Diyos. Ang paghahandog sa Diyos ay pagkilala sa pinagmulan ng lahat.
Tuwing tayo ay nagbabahagi sa kapwa, kinikilala natin ang kaloob ng Diyos sa isa ay kaloob Niya sa lahat. "God's gift to one is also God's gift to everyone." Ang pag-aalay sa Diyos ay pagbabalik ng regalong sa Kanya rin nagmula.
Nawa'y matuto tayong magbigay nang hindi napipilitan lamang, at ng mga bagay na kalabisan lang at hindi na natin kailangan. Magbahagi tayo nang may pag-ibig.
Amor vincit omnia.
*Pebrero 2, Kapistahan ng Paghahandog kay Hesus sa Templo |
|
| |
|
|
|
| |
| |
|
| |
|
| |
|
|
