 |
| |
| |
| Sa Isang Salita: 'Karimlan' ni Msgr. Noel |
| 04 December 2020 |
| |
|
Ang pasko ay pagdiriwang ng liwanag. Hindi ito tumutukoy sa mga parol at ilaw pamasko, kundi sa liwanag na sumilang sa Belen. Si Kristo ang tunay na Tala ng Betlehem na naghatid ng liwanag sa mundong balot sa dilim ng kasalanan.
Tulad ng kasalanan, ang karimlan ay umaalipin sa tao. Nawawalan tayo ng layang kumilos. Nagiging sanhi ito ng takot at paralisis.
Sa pagpapagaling sa dalawang bulag sa ebanghelyo, ipinahayag ni Hesus na siya ang Liwanag. Kinalag niya ang pagkaalipin nila sa kadiliman - hindi lang ng paningin kundi ng kanilang puso. Hindi lang nakakita ang kanilang mata. Nanalig din sila kay Hesus.
Kayang pawiin ng ilaw ng parol at christmas lights ang dilim ng ating bahay, subalit tanging Liwanag ni Kristo gagapi sa dilim sa ating mga puso.
*Biyernes sa Unang Linggo ng Adbiyento |
|
| |
|
|
|
| |
| |
|
| |
|
| |
|
|
