 |
| |
| |
| Sa Isang Salita: 'Paghilom' ni Msgr. Noel |
| 14 February 2021 |
| |
|
Nilalayuan at pinandidirihan ng mga tao. Itinuturing na 'marumi' at pinagbabawalang makisalamuha sa marami. Ganito ang tingin ng lipunan noon sa mga ketongin. Tila isang 'death sentence' ang magkasakit ng ketong noong kapanahunan ni Hesus.
Nang pagalingin ni Hesus ang isang ketongin sa ebanghelyo, hinipo niya ito. Binuwag Niya ang pader na naghihiwalay sa mga itinuturing na 'marumi' ng lipunan. Bagong buhay at pag-asa ang hatid ni Hesus. Ibinalik niya hindi lang ang kanyang kalusugan, kundi pati na ang kanyang buhay at dangal.
Tulad ng ketong, sinisira ng kasalanan ang ating pagkatao at dignidad. Sa harap ni Hesus, anong bahagi kaya ng ating buhay ang nais nating ihingi ng biyaya ng paghilom?
*Ikaanim na Linggo sa Karaniwang Panahon |
|
| |
|
|
|
| |
| |
|
| |
|
| |
|
|
