 |
| |
| |
| Sa Isang Salita: 'Magpasya' ni Msgr. Noel |
| 24 April 2021 |
| |
|
Kailan tayo huling nagpasya para kay Hesus? Kailan natin tahasang pinili ang liwanag at ang daan ng katwiran.
Matapos marinig ng ilang mga tagasunod ang turo ni Hesus, sinabi nila: "Mabigat na pananalita ito." At simula noon, tinalikdan nila si Hesus. Nagpasya silang iwan ang Panginoon.
Nasaan ang ating katapatan? Sa mga sandaling ito, marami ang sinusubok kung hanggang saan natin mapapatunayan ang ating katapatan kay Kristo at sa kanyang ebanghelyo.
Ang kalooban ba natin ay kay Kristo o sa bulag na pagkampi sa ideolohiya o paniniwalang nagsusulong ng mga pagpapahalagang taliwas sa aral ni Kristo?
Ang ating pagkatao ay hinuhubog ng mga pasyang ating ginawa. Dito nahahayag kung tayo ay Kristiyano - sa katotohanan o sa pangalan lang.
*Sabado sa Ikatlong Linggo ng Pagkabuhay |
|
| |
|
|
|
| |
| |
|
| |
|
| |
|
|
