 |
| |
| |
| Sa Isang Salita: 'Liwanag' ni Msgr. Noel |
| 12 May 2021 |
| |
|
Si Hesus ang Salita. Ang Espiritu Santo ang Liwanag. Hindi dalawa ang mensahe ng ebanghelyo. Iisa at magkaugnay habang ipinapahayag ito sa lahat. Habang nangangaral si Hesus, kumikilos din ang Espiritu sa puso ng mga nakikinig upang maunawaan ang kanyang aral.
Pamumuhay ayon sa Espiritu ang buong buhay ng isang Kristiyano. Lahat ay biyaya. Kahit anong galing ng pagkakahabi ng salita ng nangangaral, wala itong kapangyarihang magpabago ng puso kung hindi dahil sa pagkilos ng Espiritu Santo.
"Pagdating ng Espiritu ng katotohanan," ani Hesus, "mabibigyang liwanag ang lahat ng kanyang ipinahayag."
Patuloy na kumikilos ang Espiritu sa ating panahon. Buksan ang ating puso. Maging laan at bukas sa pagpapanibago.
*Miyerkules sa Ikaanim na Linggo ng Pagkabuhay |
|
| |
|
|
|
| |
| |
|
| |
|
| |
|
|
