 |
| |
| |
| Sa Isang Salita: 'Kawawa' ni Msgr. Noel |
| 01 October 2021 |
| |
|
Hindi Diyos ang nagpaparusa sa ating pagkakasala. Tayo ang nagpapataw nito sa ating sarili bunga ng ating pagtalikod sa Kanya.
"We stand before the Word of God to be judged by it." Tayo ang nagdadala ng kahatulan sa sarili sa bawat pagtanggi sa alok ng Diyos ng pagmamahal.
"Kawawa ka Corazin, kawawa ka Betsaida," babala ni Hesus sa mga bayang nakasaksi sa kanyang pangangaral at mga himala. Sa kabila ng mga pribilehiyong ito, hindi naantig ang kanilang puso para sumampalataya at magbalik-loob.
Hindi kasalanan ng araw kung may taong namumuhay sa dilim kung siya mismo ang pumili na talikdan ang liwanag.
Nakapanghihinayang ang biyayang nawawala dahil sa ating pagpapabaya, subalit mas nakakatakot kung ang mawawala ay ang kakayahan nating marinig pa ang tinig ng Diyos dahil nasanay nang nakapinid ang ating puso sa tawag ng pagbabago.
Tularan natin ang mga banal, tulad ni San Francisco de Asis. Hinayaan nila ang sarili na hatulan ng Salita, upang mapagpasyahang iwan ang luma at makamundong pamumuhay at tahakin ang daan tungo sa Diyos.
*Biyernes sa Ikadalawampu't Anim na Linggo sa Karaniwang Panahon |
|
| |
|
|
|
| |
| |
|
| |
|
| |
|
|
