Isang maligayang pagbati sa mga minamahal na mananampalataya ng Diocesis ng Lucena.
Tayo ngayon ay nasa panahon ng kuwaresma--panahon ng ating pakikipagkaisa sa mga paghihirap, pagpapakasakit ng ating panginoong Hesukristo. Kaya sana ay gugulin natin itong panahong ito para sa pagninilay, pananalangin at pag-aayuno, sa ganon, tayo ay nakikibahagi hindi lamang sa paghihirap ng ating Panginoon, tayo rin ay nakikibahagi sa pangangailangan ng ating kapwa sa pamamagitan ng ating pag-aalay para sa ating kapwa at para rin sa mahihirap ng kabataan na nangangailangan ng ating tulong sa Fast 2 Feed.
Kaya ang panahong ito ng kwaresma at semana-santa ay maging panahon ng ating pakikipagkaisa kay Kristo na nagpakasakit para sa atin dahil sa kanyang pagmamahal.
