 |
| |
| |
| Sa Isang Salita: 'Motibo' ni Msgr. Noel |
| 11 April 2022 |
| |
|
Hindi lahat ng 'mabuting' gawa ay mabuti. May mga gawa na mabuti lamang sa paningin ngunit sa likod nito'y may masamang hangarin. Ayon sa prinsipyo moral: anumang mabuting gawa na ginanap nang may masamang pagnanasa ay nagigi ring masama.
Sa ebanghelyo, sinabi ni Judas Iscariote, “'Bakit hindi ipinagbili ang pabango at ibinigay sa mga dukha ang pinagbilhan? Maaaring umabot sa tatlong daang denaryo ang halaga niyan.' Hindi dahil sa siya’y may malasakit sa mga dukha kaya niya sinabi iyon, kundi dahil sa siya’y magnanakaw. Siya ang nag-iingat ng kanilang salapi at kinukupit niya ito."
Isang palabas lang pala ang malasakit ni Judas sa mga mahihirap. Ang tunay niyang motibo ay ang nakawin ang perang ipinagkatiwala sa kanya.
Usisain natin ang ating mga motibo sa likod ng ating mabubuting gawa. Hindi ito dapat marungisan ng masamang pagnanasa. Nagiging buo ang kabutihan ng ating gawain kung kalakip nito'y mabuting layunin.
Sa kabutihan ng puso at isipan, nagsisimula ang pagpapanibago ng buhay. "Moral living is a never-ending process towards excellence, self-realization and happiness" (St. Thomas).
*Lunes Santo ng Semana Santa |
|
| |
|
|
|
| |
| |
|
| |
|
| |
|
|
