 |
| |
| |
| Sa Isang Salita: 'Katumbas' ni Msgr. Noel |
| 11 July 2022 |
| |
|
Paano nagawang manahimik ng mga Kristiyano noong panahon ng mapang-aping rehimen ni Hitler? Bakit hinayaan nilang mamayani ang kasamaan? Ito ang tanong sa isang panayam kay Dietrich Bonhoeffer, isang sikat na protestanteng teologo at pastor. Ang sagot niya, ang lahat ng ito ay epekto ng turo hinggil sa "mumurahing grasya" (cheap grace). Ito ang 'grasya na walang krus, grasya na walang sakripisyo, grasya na walang Kristo.'
Napapanahon ang mensahe ni Hesus: “Huwag ninyong isiping naparito ako upang magdala ng kapayapaan sa lupa; naparito ako upang magdala ng tabak, hindi kapayapaan."
Ang pagsunod kay Hesus ay isang pagsuong sa panganib. Hindi maaring magpadala sa agos ang isang kristiyano. Dapat ay handa siyang manindigan para sa katotohanan.
Ang hatid ni Kristo ay hindi 'kapayapaan' ng pakikisabwat sa tiwaling kalakaran ng mundo, kundi 'tabak' ng pagkalas sa lumang gawi at pagwawaksi sa maling sistema sa lipunan.
Hindi mura ang biyaya ni Kristo. Malaki ang halagang katumbas nito: ang Kanyang sakripisyo. Siya ay nag-alay ng buhay para wakasan ang paghahari ng dilim ng kasalanan.
“What is to give light must endure burning,” sabi ni Victor Frankl. Sa ating lipunan ngayong nababalutan ng dilim, handa ka bang pumanig sa liwanag?
*Lunes sa Ikalabing-limang Linggo sa Karaniwang Panahon |
|
| |
|
|
|
| |
| |
|
| |
|
| |
|
|
