 |
| |
| |
| Sa Isang Salita: 'Gising!' ni Msgr. Noel |
| 25 August 2022 |
| |
|
Isa sa mga panganib ng pagkakaroon ng maraming salapi, ayon kay C.S. Lewis, ay ang makuntento na lamang tayo sa kasiyahang ibinibigay nito sa atin at makalimutan na natin ang pangangailangan sa Diyos.
Mapanlinlang ang mundo. Hatid nito ang ilusyon na ang pagkakamal ng yaman at kapangyarihan ay sapat na upang mapunuan ang ating hungkag na pag-iral.
"Magbantay kayo," babala ni Hesus sa ebanghelyo. Manatili tayong gisÃng. Huwag magpatukso sa panandaliang aliw na dulot ng mundo. Imulat natin ang mga mata sa katotohanang ang lahat ng bagay ay pansamantala. Diyos ang may hawak ng oras, yaman at ng ating buong buhay.
Anumang taglay natin ay pahiram lang ng tunay na May-ari. Tayo'y mga katiwala lamang. Pagyamanin natin anumang kaloob na mayroon tayo. Maging laging handa sa panahon ng pagsusulit.
*Huwebes sa Ikadalawampu't isang Linggo sa Karaniwang Panahon |
|
| |
|
|
|
| |
| |
|
| |
|
| |
|
|
