|
|
|
Sa Isang Salita: 'Lakas' ni Msgr. Noel |
23 November 2022 |
|
|
Ang taong nakasandig sa Diyos ay hindi kayang igupo ng anumang pagsubok. Kung tayo'y may pananalig, higit tayong magiging matatag sa sandali ng paghihirap. "What does not kill you will make you stronger."
Hindi maaaring iwasan o takasan ng mga Kristiyano ang paghihirap. Bunga ito ng ating pagtahak sa daan ng katwiran. Ani Hesus: “Darakpin kayo’t uusigin. Kayo’y dadalhin sa mga sinagoga upang litisin at ipabilanggo." Lahat ng nagtataglay ng kanyang pangalan ay dapat manindigan at sumaksi sa mga pagpapahalaga ng ebanghelyo.
Sa mga sandaling tayo ay inuusig dahil sa ating paninindigan, makakaasa tayo sa tulong ng Espiritu Santo. Siya ang ating lakas.
*Miyerkules sa Ikatatlumpu't apat na Linggo sa Karaniwang Panahon |
|
|
|
|
|
|
|
|
|
|
|
|