 |
| |
| |
| Sa Isang Salita: 'Kaibigan' ni Msgr. Noel |
| 05 December 2022 |
| |
|
Ang taong karamay natin sa panahon ng pangangailangan ay isang tunay na kaibigan. Hindi lamang siya nagsisilbing presensya ng Diyos sa ating buhay. Siya ay naghahatid din sa atin patungo sa Diyos.
Ito ang ginawa ng mga taong nagdala ng isang lumpo sa harapan ni Hesus. Sila ay mga tunay na kaibigan. Dinala at inilapit nila siya kay Hesus. Tinanggap ng lumpo ang grasya ng kagalingan dahil sa tulong ng kanyang mga kaibigan.
Ang pagbubuo ng sambayanang Kristiyano ay nagsisimula sa pakikipagkaibigan. Nagkakaroon ng mukha ang katawan ni Kristo sa lupa, ang Simbahan, sa mga taong nagdadamayan. "The Church happens when people come together and become friends."
Papangyarihin natin ang diwa ng Simbahan sa ating kapitbahayan. Tayo ay katiwala ng Diyos sa pagbubuo ng kanyang sambayanan dito sa lupa.
*Lunes sa Ikalawang Linggo ng Adbiyento |
|
| |
|
|
|
| |
| |
|
| |
|
| |
|
|
