 |
| |
| |
| Sa Isang Salita: 'Patotoo' ni Msgr. Noel |
| 23 March 2023 |
| |
|
Ang mundo ay tulad sa isang hukuman. Dito ay patuloy na nagaganap ang paglilitis ng ating paninindigan para sa liwanag at katotohanan. Kailangan nating magpatotoo upang di magtagumpay ang dilim at kasinungalingan.
Sa harap ng pag-aalinlangan ng mga Judio tungkol kay Hesus, iginiit niya na may nagpatotoo sa kanya: si Juan na nagsilbing liwanag sa gitna ng karimlan. Subalit higit sa lahat, ang Ama sa langit ang nagbigay patotoo sa kanyang ginagawa.
Nawa'y hindi tayo mag-atubiling kumampi sa Diyos at sa kanyang aral sa mga sandaling inuusig at tinutuya ang ating pananampalataya. Sa huli, Diyos ang magbibigay ng patas na kahatulan.
*Huwebes sa Ikaapat na Linggo ng Kuwaresma |
|
| |
|
|
|
| |
| |
|
| |
|
| |
|
|
