 |
| |
| |
| Sa Isang Salita: 'Wagi' ni Msgr. Noel |
| 08 April 2023 |
| |
|
Walang sinuman ang nalulugi sa pag-aalay ng sarili. Walang tao sa daigdig ang nagdaralita sa pagtulong at pagdamay.
Sa kabila ng maraming pagsubok at kahirapan, pag-ibig pa rin ang magtatagumpay. Ito ang tagumpay ng Krus. Ang pag-ibig ng Diyos ang nanaig, "kaya ang kamatayan ay kanyang nalupig."
Ang pagbaba ng Diyos sa ating abang katayuan ay hindi nagpabawas kundi lalo pang nagpaganap sa kanyang pagka-Diyos. Wika ng isang spiritual writer: the kenosis (self-emptying) of Jesus is "not a step away from his divinity but a movement towards Him as He really is: God-with-us."
Ito ang hiwagang isinawalat ng pag-ibig ng Diyos doon sa Krus. May 'bagay' na nawawala sa atin kapag tayo ay nagbigay. Pero may pinagpanibagong 'buhay' namang kapalit ang ating makakamtan.
"While the world urges us on to get into living, the Cross teaches us how to find life."
Ang Pagkabuhay ni Hesus ay tagumpay ng Pag-ibig. Forever at eternal. Walang lugar ang kamatayan. Ang mamamayani ay buhay. Sabi ng anghel sa ebanghelyo: "wala na si Hesus sa dito sa libingan. Siya'y muling nabuhay!"
Tahakin natin ang daan ni Hesus. Ito ang tiyak na daan tungo sa tagumpay.
*Bihilya sa Pasko ng Pagkabuhay |
|
| |
|
|
|
| |
| |
|
| |
|
| |
|
|
