 |
| |
| |
| Sa Isang Salita: 'Pagbangon' ni Msgr. Noel |
| 23 July 2023 |
| |
|
Ang kabutihan ay katulad ng isang binhi. Kahit ilibing sa lupa ng mga kalaban, muli't muli itong sisibol upang magbigay ng buhay. Ani Si San Oscar Romero, Arsobispo ng El Salvador na dineklarang martir ni Papa Francisco noong 2018: "If they kill me, I will rise again in the people of El Salvador. "
Ang buhay ay patuloy na pagtutunggali ng kasamaan at kabutihan. May pagkakataong akala natin ay nagtatagumpay ang kasamaan. Subalit darating ang araw ng paghatol. Sa wakas ay mamamayani ang Diyos ng katarungan.
Sa talinghaga, hinayaan ng May-ari na tumubo nang magkasabay ang damo at trigo. Dahil magkapareho ang panlabas na anyo nila, baka kapag binunot ang mga damo ay madamay pati ang trigo. Sa lahat ng nagaganap sa lipunan, ang paliwanag ay nasa isip ng Diyos na maalam.
Hindi dapat panghinaan ng loob ang taong matuwid sa pagtataguyod ng kabutihan, kahit na nasa panig ng kalaban ang pwersa ng salapi at kapangyarihan. Hindi kayang patayin ng anumang sandata ang kabutihan.
Sabi nga ng isang makata: "They tried to bury us. They didn’t know we were seeds.”
*Ikalabing anim na Linggo sa Karaniwang Panahon (A) |
|
| |
|
|
|
| |
| |
|
| |
|
| |
|
|
