 |
| |
| |
| Sa Isang Salita: 'Pangilin' ni Msgr. Noel |
| 16 January 2024 |
| |
|
"Huwag ninyong sambahin ang trabaho," paalaala ni Cardinal Tagle sa kanyang homiliya. Bahagi ng kabanalan, aniya, ay ang pahinga. Habang tayo ay nagpapahinga, binibigyan din natin ang daigdig ng panahon na makapagpahinga.
Sa labis na paggawa, nagiging alipin tayo ng paghahangad at ginagawa nating diyos ang trabaho. Nawawala ang tunay na layunin ng paggawa. Sinisira at inaabuso ng tao ang kalikasan dahil sa pagnanasang magkamal ng yaman.
Sa biblia, pahinga ang tugatog ng paglikha. Sa tuwing tayo ay mangingilin, kinikilala natin Diyos bilang simula at hantungan ng ating paggawa. Walang kabuluhan ang pagpapagal sa mundo kung sa dakong huli, hindi tayo hahantong sa kapahingahan sa Diyos.
Sabi ni Papa Francisco: “We are called to include in our work a dimension of receptivity and gratuity, which is quite different from mere inactivity.” Ito ang diwa ng Araw ng Pamamahinga.
*Martes sa Ikalawang Linggo sa Karaniwang Panahon |
|
| |
|
|
|
| |
| |
|
| |
|
| |
|
|
