 |
| |
| |
| Sa Isang Salita: 'Katiwala' ni Msgr. Noel |
| 01 March 2024 |
| |
|
Isang ilusyon ng tao na akuing kanya ang hindi niya pag-aari. Malimit, ganito umasta ang tao. Walang pakundangan sa mga biyaya na ipinahiram lang sa kanya ng Maykapal. Kung minsan pa nga, mas matapang pa sa may-ari yaong mga pinagkatiwalaan lamang.
Sa ebanghelyo, ipinakita sa talinghaga kung paano naghari-harian at namayagpag ang mga katiwala. Inabuso at sinaktan ang mga sugo, at pati ang anak ng may-ari ng ubasan ay pinaslang at pinatay.
Ang pinagkatiwalaan ng malaki - kapangyarihan man o yaman - ay malaki rin ang pananagutan sa nagkaloob nito. "From everyone to whom much has been given, much will be required."
Nakapangingilabot kung paano abusin at gastahin ng ating henerasyon ang likas na yaman ng mundo. Sa harap ng mga banta ng climate change, parang "business as usual" at walang pagbabago ng puso ang mga namumuhunan at mga nasa kapangyarihan.
Sabi nga, "We do not bequeath the world's wealth to our children; we borrow it from them."
Mismong ang Santo Papa ang nagpaalaala sa atin: "hindi dapat isakripisyo ang kalikasan kapalit ng tutubuing salapi na kalimitan ay iilan lamang ang nakikinabang" (Laudato Si, 190).
Ngayong panahon ng Kuwaresma, muli nating tuklasin kung "Sino tayo" at kung "Kanino tayo." Tayo'y mga katiwala. Diyos ang may-ari sa atin.
*Biyernes sa Ikalawang Linggo ng Kuwaresma |
|
| |
|
|
|
| |
| |
|
| |
|
| |
|
|
