 |
| |
| |
| Sa Ibang Salita ni Msgr. Noel |
| 15 April 2026 |
| |
|
Parusa. Hindi nagpaparusa ang Diyos. Taliwas ito sa kanyang kalikasan bilang wagas at dalisay na Pag-ibig. Ipinahayag sa ebanghelyo: naparito ang Anak ng Diyos hindi upang hatulan ang sanlibutan kundi upang iligtas ito. "God's blessing is more original than our sin."
Ang totoo, marami sa mga dinaranas nating paghihirap ay bunga ng ating kasalanan at maling pagpapasya. Malimit kaysa hindi, ang nararanasan nating paghihirap ay isa lamang sa mga pagpaparamdam ng kalikasan sa ating kapabayaan at pagsasawalang-kibo.
Ang dinaranas nating krisis sa ating panahon ay hindi kahatulan ng Diyos sa tao. Ito ay sandali ng paghatol natin sa ating sarili: isang panahon para piliin ang mga bagay na tunay na mahalaga at ihiwalay ang mga bagay na pansamantala.
*Miyerkules sa Ikalawang Linggo ng Pagkabuhay |
|
| |
|
|
|
| |
| |
|
| |
|
| |
|
|
