 |
| |
| |
| Sa Ibang Salita ni Msgr. Noel |
| 17 May 2026 |
| |
|
Panalo. Natural sa ating mga Pilipino ang magbunyi at magalak kapag may kapwa Pilipino na nagwawagi sa mga paligsahan sa ibang bansa? Para sa atin, ang tagumpay nila ay tagumpay rin natin. Sa wakas, naabot ng ating kalahi ang lugar na inaasam din nating maabot.
Sabi ng isang nanay, kahit hindi ako nakatuntong sa stage para tanggapin ang aking diploma, para na rin ako ang nagtapos kapag gumraduate na aking mga anak. Sapagkat sila ay bahagi ko at ako ay bahagi nila.
Ito ang mensahe ng Pag-Akyat sa Langit ni Hesus. Naabot na ng tao ang Langit. Damay tayo sa tagumpay ni Kristo: sapagkat inako niya ang ating pagkatao, kasama niya tayo sa kanyang pagbalik sa piling ng Ama sa langit.
Sabi ng prepasyo sa Misa: "Ang pagluklok Niya sa Kanan Mo ay katiyakang sasapit kami sa Iyo." "Christ is the beginning, the head of the church. Where he has gone, we, his body, hope to follow."
Hindi kalabisang sabihin na simula sa Pagkakatawang-Tao ng Anak ng Diyos hanggang sa Pag-akyat Niya sa langit, ang ating makataong pag-iral ay naging bahagi ng buhay ng Diyos. Tayo ay naging bahagi ng Diyos at ang Diyos ay naging bahagi natin. Nakatadhana ang tao at ang buong sangnilikha sa tagumpay at kaluwalhatian ng langit.
*Linggo ng Pag-akyat sa Langit ng Panginoon |
|
| |
|
|
|
| |
| |
|
| |
|
| |
|
|
