 |
| |
| |
| Sa Ibang Salita ni Msgr. Noel |
| 30 May 2026 |
| |
|
Panatiko. Nakakaawa ang mga taong makitid ang isip. Nagiging bilanggo sila sa kanilang maling paniniwala. Iniiwasan nila ang okasyon para matuklasan ang katotohanan. Humahanap sila ng lusot upang maipatanggol ang kinamihasnang gawi at kaisipan.
Tulad ng mga punong saserdote at eskriba, ganito rin ang mga panatiko sa ating panahon. May sarili silang bersyon ng katotohanan. Mas naniniwala sa fake news para ipagtanggol ang mga pulitiko na kanilang sinusuportahan.
Tinatalikdan nila ang pagkakataon para magpanibago. Kaya nga, nananatili silang bihag ng lumang pag-iisip at hindi handang magbago kahit malinaw na ang katotohanan.
Ani Einstein: “Ang mga problemang kinakaharap natin ay hindi malulutas kung mananatili tayo sa parehong antas ng pag-iisip na siyang lumikha sa mga ito.”
*Sabado sa Ikawalong Linggo sa Karaniwang Panahon |
|
| |
|
|
|
| |
| |
|
| |
|
| |
|
|
