 |
| |
| |
| Sa Ibang Salita ni Msgr. Noel |
| 22 August 2026 |
| |
|
Reyna. Ipinakita ni Maria ang isang kahariang hindi nasusukat sa kapangyarihan kundi sa pagtanggap at pagsunod sa Diyos. Nang sabihin niya, “Narito ang alipin ng Panginoon; mangyari sa akin ayon sa iyong salita" (Lucas 1:38), doon nagsimulang mahayag ang kanyang tunay na kadakilaan.
Si Maria ay Reyna hindi dahil siya ang naghari sa iba, kundi dahil buong-buo niyang hinayaang maghari ang Diyos sa kanyang buhay. Ang kanyang korona ay ang kababaang-loob, ang kanyang kapangyarihan ay ang paglilingkod, at ang kanyang trono ay pusong bukas sa kalooban ng Diyos.
Sa Kapistahan ng Pagka-Reyna ni Maria, tinatanong din tayo: Sino ang tunay na naghahari sa ating puso? Tulad ni Maria, matutuhan nawa nating isuko sa Diyos ang ating mga plano at sabihin araw-araw: "Mangyari sa akin ayon sa Iyong salita."
*Agosto 22, Kapistahan ng pagka-Reyna ni Maria |
|
| |
|
|
|
| |
| |
|
| |
|
| |
|
|
