 |
| |
| |
| Sa Ibang Salita ni Msgr. Noel |
| 23 August 2026 |
| |
|
"PDA." Pahayag. "Ikaw ang Kristo, ang Anak ng Diyos na buhay." Ang sagot ni Pedro kay Hesus ang tunay na PDA, Public Display of Affection, kay Kristo. Tulad ng pag-ibig ng magsing-irog, ang pananampalataya ay hindi dapat itago o ikahiya. Kung mahal mo, ipapakita mo.
Debosyon. Sabi ni Pope Benedict XVI, ang pagka-Kristiyano ay “personal na ugnayan kay Kristo, hindi lang pagsunod sa adhikain ng relihiyon.” Ang dasal, Misa, at paglilingkod ay hindi trabaho lang o obligasyon. Dapat itong bumubukal sa tapat na pananalig. Debosyon, hindi lang duty.
Alay. Ang pagpapahayag ay may kasamang paninindigan. Si Pedro na minsang nanghina, naging batong matatag dahil sa pag-ibig. Ang tunay na pag-ibig ay handang mag-alay, handang ipaglaban. Hindi lang matamis na pananalita, kundi sakripisyo.
PDA ba ang pananampalataya ko? O naka-private account lang si Hesus sa buhay ko?
*Ikadalawampu't isang Linggo sa Karaniwang Panahon (A) |
|
| |
|
|
|
| |
| |
|
| |
|
| |
|
|
